|
Rugao situas sur la norda bordo de la enfluejo de
Yangzi-rivero. Ĝi distancas de Ŝanhajo 100 kilometrojn. Ĝi
administras 20 urbetojn kaj 2 disvolvajn distriktojn. Ĝi nombras
1.45 milionojn da loĝantoj kaj areas 1 477 kvadratajn
kilometrojn. Ĝi estas antikva turisma havenurbo kun disvolviĝantaj
industrioj kaj komerco kadre de la ŝanhaja ekonomia cirklo ĉe la
delto de Yangzi-rivero.
Estante unu el la gravaj havenurboj de Yangzi-rivero en
Jiangsu-provinco, ĝi havas multajn evidentajn avantaĝojn en la
konkurenco de disvolviĝo de la regiona ekonomio.
Bona perspektivo por impeta progreso
Estante unu el la marbordaj urboj plej frue malfermitaj al la
eksterlando, Rugao posedas kompare fortan vivecon kaj grandan
latentan potencon por ekonomia disvolviĝo. Dank' al aktiva
praktikado de internaciigo, industriigo, urbigo kaj originaligo de
la ekonomio, pli kaj pli fortiĝas la disvolviĝo de la ekonomio kaj
socio. En 2004 la ekonomio kreskis kun plej alta kvalito kaj plej
granda rapideco, kaj dank' al tio Rugao enviciĝis inter la 100 plej
fortaj gubernioj de Ĉinio rilate bazan konkurencan kapablon en
ekonomio.
Facila trafiko en la regiono
Rugao situas en la trafika tereno kun Ŝanhajo kiel la centro kaj
distancas de ĝi je 1.5-hora veturado. La haveno de Rugao estas
unuaklasa haveno malfermita al la eksterlando, 120 kilometrojn supre
de la haveno de Ŝanhajo laŭ Yangzi-rivero kaj havas 2 unuaklasajn
navigejojn traireblajn por ŝipo de 50 mil toneloj. Aŭtovojo inter
Nankino kaj Nantong trairas Rugao, kaj ambaŭflanke de la urbo estas
po pontego super Yangzi-rivero (unu el ili estas konstruata).
Fervojo kaj flughaveno dekojn da kilometroj distance de la urbo
favoras Rugao per tre facila trafiko. Krome Rugao posedas abundajn
riĉfontojn. Ĝi havas 48 kilometrojn da riverbordo de Yangzi-rivero,
el kiuj 17.2 kilometroj estas senaluviaj, kun akvo profunda. Tie oni
povas konstrui pli ol 30 dokojn por ŝipoj de 10 mil toneloj. Krome
Rugao havas vastan areon kaj sufiĉan elektron kaj nombras 600 mil
laborulojn. Nun en superaj mezlernejoj kaj profesiaj teknikaj
lernejoj lernas 250 mil lernantoj, kaj ĉiujare diplomiĝas miloj da
teknikaj laboruloj.
Bona bazo de diversaj industrioj
Delonge Rugao ĝuas la famon de loko abunda je rizo kaj fiŝoj, kaj
nun tie prosperas 6 industrioj de floroj, por-eksportaj frukto kaj
legomo, porko, koko, rizo kaj silko. Tiuj industrioj faris Rugao
idealan lokon de agrikultura industriiĝo por disvolvi produktadon de
senpoluaj kaj tonikaj manĝaĵoj kaj liveras abundan riĉfonton por
kresko de industrio de Rugao. Tekstilado, konfekcio, maŝinfabrikado
kaj manĝaĵoprilaborado estas tradiciaj industrioj de Rugao. Fajna
ŝtala globo, vitrofibra produktaĵo, agrikultura maŝino, elektrona
membrano, metala fibro kaj tonika manĝaĵo ĝuas renomon en- kaj
eksterlande. Novtipa materialo, petrolkemio, kaŭĉuka pneŭmatiko,
aŭto kaj akcesoraĵo estas novaj kaj ĉefaj industrioj de Rugao. Nun
Rugao havas pli ol 20 originalajn blokojn de industrioj respektive
kun centoj da milionoj da juanoj, ekzemple tiuj de metalurgio,
maŝinfabrikado, aŭto kaj akcesoraĵo, fajna kemio, tonika manĝaĵo kaj
konfekcio. Rugao prenos petrolkemion, ŝipriparadon kaj ŝipfabrikadon
kaj metalurgion de altklasa rustimuna ŝtalo kiel gvidajn
industriojn; prenos fajnan kemion kaj prilaboradon de elektraj
maŝinoj kiel kompletigajn industriojn; kaj prenos
varcirkulado-stapladon, altajn novajn teknologiojn, bioinĝenieradon,
ekologian turismon kaj modernan agrikulturon kiel subtenajn
industriojn.
Originala medio de homa kulturo
Vivdaŭro de Rugao-anoj preskaŭ rekordas en la mondo. Laŭ la lasta
censo, Rugao nombras en la 1.45 milionoj da loĝantoj 235 homojn de
pli ol 100 jaroj. La procento de longevivuloj okupas la unuan lokon
inter la urboj de Ĉinio, kaj duobla al la indico rekonita de UN por
longevivula vilaĝo. Kulturado de floroj kaj envazaj miniaturaj
pejzaĝoj de Rugao havas longan historion, ke ĝi estas unu el la sep
skoloj de envazaj miniaturaj pejzaĝoj de Ĉinio. En Rugao oni
kulturas florojn kaj envazajn miniaturajn pejzaĝojn sur 9300
hektaroj da tero. Ĝi estas la plej granda bazo de orienta Ĉinio por
eksportado de floroj kaj envazaj miniaturaj pejzaĝoj.
Rugao estas la plej antikva urbo de la delto de Yangzi-rivero. En
la 411-a jaro tie fondiĝis gubernio Rugao kaj en la komenco de la
20-a jarcento Rugao estis honorata kiel la “Unua Granda Gubernio de
Ĉinio? Tie troviĝas antikva templo Dinghui konstruita antaŭ 1500
jaroj. Krome en Rugao estas klasika ĝardeno Shuihui, unika
ekzemplero de arkitekturo de Anhui-stila ĝardenistiko kaj historia
restaĵo unuagrade protektata de la ŝtato. Silka tapiŝo kaj santala
skulptaĵo de Rugao estas vaste konataj.
Ideala medio por investado
En 2000 Rugao establis 3 centrojn respektive por
administra servo, superrego de ekonomia medio kaj superrego de
administra efiko. La centro por administra servo prenas sur sin
ĉiujn administrajn ekzamenon kaj sankcion kaj praktikas la politikon
“akcepto ĉe unu fako, kunlabora funkciado, unuigita pagigo kaj
tempolimigita traktado?
Abundo da riĉfontoj kaj sennombraj ŝancoj de komercado de Rugao
atendas inteligentajn investantojn.
Havu vojaĝon en Rugao por propraokule percepti la lokon kaj
klopodu kune kun la popolo de Rugao por krei grandan karieron!
| 
| 
| 
| 
| 
| 
| 
| 
| 
| 
